Ерлинг Халанд: Новото големо фудбалско чудо (ВИДЕО)

Младиот фудбалер уште на првите два натпревари оваа година за новиот клуб покажа дека има капацитет да стане еден од најдобрите фудбалери. 

Верните навивачи на Борусија Дортмунд на последните два натпревари уживаат, а воедно имаат и привилегија во живо да ги следат мајсториите на најновото фудбалско чудо, Ерлинг Халанд.

Младиот 19-годишен Норвежанец кој на почетокот од годинава пристигна во Борусија, за само 59 минути ги освои срцата на навивачите на „милионерите“ но и на сите искрени љубители на фудбалот.


На Халанд му беа потребни само 59 минути во натпреварите против Аугсбург и Келн да покаже дека е иднта голема фудбалска ѕвезда. На дебито против Аугсбург за 22 минути постигна хет-трик, а во победата над Келн даде два гола.

– Момчето сонува, не сакаме да го разбудиме. Неверојатно е амбициозен, сака да постигнува голови и на тренинзите и секогаш се нервира кога ќе промаши чиста шанса – вели Михаел Цорк, спортскиот директор на Борусија Дортмунд.

Прочитајте и...  Еден од најдобрите боксери-тешкаши умре од смеа кога го слушна оправдувањето на Вајлдер (ВИДЕО)
twitter/Borussia Dortmund

Интересно е што Халанд за неполн фудбалски натпревар постигна повеќе голови од целиот тим на Манчестер јунајтед и ги освои срцата на фановите на Борусија кои се убедени дека во нивниот тим игра вистинска машина за давање голови.

– Неговото деби беше неверојатно, влезе во второто полувреме и даде три гола. Сега на премиерниот настап пред нашите навивачи постигна уште два гола и не може да биде подобро од ова. Навистина сме среќни, но ги повикувам луѓето да останат разумни и да му „судат“ подоцна. Начинот на кој го постигна вториот гол покажува со каква самодоверба игра. Нема многу такви фудбалери на планетата – објаснува членот на управата на Борусија и поранешен германски репрезентативец, Себастијан Кел.

Ерлинг Халанд е купен за само 20 милиони евра и доколку продолжи во ист ритам, до крајот на сезоната не само што ќе ги оправда средствата дадени како обесштетување, туку ќе ги оправда и средствата за бонусите, осум милиони евра за неговиот татко и 10 милиони евра за неговиот агент, Мино Рајола.

Прочитајте и...  Нашите боксери тренираат во Србија пред олимпискиот турнир во Лондон!

– Затоа и го доведовме, да биде волшебен – изјави капитенот Марко Ројс по вториот натпревар на Халанд.

Со доаѓањето на Халанд, се врати и насмевката токму кај капитенот бидејќи повеќе нема да игра на позиција на „лажна деветка“ туку ќе се врати во средниот ред и ќе го прави тоа што најдобро го знае, ќе му асистира на новото фудбалско чудо.

– Ерлинг е незапирлив. Постојано сака да ги поместува границите, сака да победува. Јас како тренер се чувствувам фантастично што имам на располагање ваков фудбалер – вели стратегот на „милионерите“, Лусиен Фавр.

Иако има само 19 години и веќе е во рангот на најдобрите напаѓачи, Ерлинг Халанд, остава неговите игри да збруваат за него. Тој не сака да се експонира пред медииумите, не е активен на социјалните мрежи, и покажува дека славата воопшто не му удрила во глава.

Прочитајте и...  Сензацијата на Баерн со неверојатна животна приказна: Роден во камп за бегалци и трча побрзо од дозволената брзина за возење во Лондон


Токму тие предуслови се најважни за Халанд да продолжи да го трасира патот кон фудбалската елита но и кон историските книги на фудбалот.

– Секој ден го гледаме како тренира, како се однесува и колку е посветен. Со таков пристап има голема шанса да продолжи да дава голови на секој натпревар. Неговата работна етика е неверојатна, посебно доколку се знае дека има само 19 години. Уште на првиот тренинг се виде дека станува збор за специјален фудбалер – вели штоперот на Борусија, Матс Хумелс.

Прочитај повеќе

Лион со предност оди во Торино, Сити за пет минути го замолкна „Бернабеу“! (ВИДЕО)

Слободен печат

Ѓоковиќ: Шарапова имаше кариера со која може да се гордее! (ВИДЕО)

Слободен печат

Нашите боксери тренираат во Србија пред олимпискиот турнир во Лондон!

Слободен печат

Првиот човек на косовскиот фудбал осуден на девет месеци затвор!

Слободен печат

Интер е незадоволен, Алексис Санчез се враќа во Јунајтед!?

Слободен печат

ЛЕ: Противниците на Интер со маски допатуваа во Милано! (ФОТО)

Слободен печат

Остави Коментар

Прочитај повеќе

Челзи нуди 30 милиони евра плус Кепа за голманот на Атлетико

Слободен печат

Каков удар за Баерн, Левандовски мора на долга пауза! (ФОТО)

Слободен печат

Ѓоковиќ го елиминираше и Колшрајбер во Дубаи (ВИДЕО)

Слободен печат

Флорентино Перез со огромна понуда за Ван Дајк!? (ФОТО)

Слободен печат

Годишен форум на тренери во организација на ФФМ

Слободен печат

НЕВЕРОЈАТНА ПОНУДА: Арапите нудат 400 милиони фунти за борба помеѓу Џошуа и Фјури

Слободен печат