Кристијан Ериксен пристигна на почетокот на оваа година како големо засилување во Интер од Тотенхем. Од Данецот се очекуваше многу на „Меаца“, но и натаму не ги исполнува очекувањата. Ериксен не е во најдобри односи со тренерот на екипата Антонио Конте, затоа што е незадоволен од минутажата откако го облече дресот на „неро-аѕурите“.

Иако дојде на почетокот на 2020 година, по само една година, најверојатно повторно ќе ја промени средината.

Медиумите во Италија пишуваат дека Интер разгледува понуди за Ерискен, а во игра се три клуба. Интересно е што овие клубови понудија размена на играчи, а калчолигашот од Милан нема ништо против тоа.

Имено, Арсенал го нуди Гранит Џака за Ериксен, додека Манчестер јунајтед го понуди Фред во замена за Данецот. Но, наводно, Ериксен е најблиску до заминување во ПСЖ бидејќи парижаните го понудиле Леандро Паредес, опција која веројатно најмногу му одговара на италијанскиот клуб.

Јасно е дека данскиот интернационалец ќе го напушти Интер во јануари, а останува да видиме во кој клуб ќе ја продолжи кариерата.