Епилог на скандалот во ЕУ: Еврокомесарот за трговија поднесе оставка
Еврокомесарот задолжен за трговија Фил Хоган вечерва поднесе оставка заради политички скандал.
Скандалот избил заради неговото присуство на вечера каде биле прекршени мерките за спречување на коронавирусот, потврдил високо позициониран функционер на Европската комисија.
Неговиот портпраол претходно најави дека Хоган денеска ќе поднесе оставка.
Ирскиот комесар Фил Хоган минатата среда во Ирска присуствуваше на вечера која ја организирал локалниот голф клуб, а која заради повеќе од 80 присутни ги прекрши ирските правила за спречување на пандемијата на Ковид-19.
Тој потоа се извини на јавноста, а претседателката на Европската комисија Урсула фон дер Лајен побара детален извештај за неговите постапки во дадениот случај.
По оставката на Хоган, Ирска би требала да предложи нов кандидат за комесар, а претседателката на ЕК да му додели ист или друг ресор.