Луис Енрике и официјално се врати на клупата на Шпанија, 49-годишниот стратег доаѓа на местото на Роберто Морено. Поранешниот тренер на Селта, Барселона и на Рома се враќа на клупата на репрезентацијата, а Морено кој го наследи Енрике на почетокот од годината, одлично си ја заврши работата и ја однесе репрезентацијата на ЕП.

BREAKING: Luis Enrique has been re-appointed as Spain manager.

— Sky Sports News (@SkySportsNews) November 19, 2019

Сепак, само еден ден откако ја однесе Шпанија на ЕП, Морено доби отказ. Морено веднаш по победата над Романија влегол во соблекувалната и со солзи во очите им кажал на фудбалерите дека е отпуштен.

– Можеме да потврдиме дека Луис Енрике повторно ќе биде селектор на Шпанија. На 19 јуни потпишавме договор со Морено, но ја оставивме вратата отворена за Енрике. Разговарав со Енрике во три наврати по смртта на неговата ќерка. Минатиот месец Морено ми кажа дека Енрика посакува да се врати, што значи дека знаеше што се случува. Тој ја започна приказната, и не знам зашто е изненаден. Ние разговаравме со Енрике и тој ни потврди дека сака да се врати, по што веднаш разговаравме и со Морено но тиј ни кажа дека не сака да остане доколку се врати Луис – изјави Луис Рубијалес.