Елмас и Пандев ќе играат против Косово, нивните тестови на корона се негативни
Селекторот на македонската фудбалска репрезентација, Игор Ангеловски може да здивне пред натпреварот против Косово бидејќи ќе може да смета и капитенот Горан Пандев и на Елиф Елмас.
Причина за неизвесност и главоболки кај селекторот но и кај македонската јавност дадоа информациите дека по неделниот натпревар помеѓу Наполи и Џенова во Серија А, дури 14 фудбалер на тимот на Пандев се позитивни на коронавирус.
Џенова потврди 14 случаи на коронавирус, нема нов прекин на Серија А!
Сепак, тестовите покажаа дека Пандев не е помеѓу заразените фудбалери, додека Наполи објави дека сите фудбалери се нагативни на ковид-19.
All of the tests completed yesterday have returned negative results. The next round of testing will take place on Thursday afternoon #ForzaNapoliSempre
— Official SSC Napoli (@en_sscnapoli) September 30, 2020
Ова значи дека и Пандев и Елмас ќе можат да настапат на полуфиналниот бараж натпревар од Лигата на Нации против Косово. Натпреварот ќе се одигра на 8. октомври на Националната Арена „Тодор Проески“, а влогот е пласман на Европското првенство кое ќе се одржи наредната година.
Победникот од дуелот Македонија – Косово во финалето ќе игра со подобриот од вториот полуфинален дуел помеѓу Грузија и Белорусија и најдобриот тим ќе игреа на континенталниот собир.