Поради денешниот најнов податок на италијанскиот фудбалски клуб Џенова дека 14 нејзини членови се позитивни на ковид-19, од италијанското Министерство за здравје повикаа на прекин на најсилното италијанско првенство.

Конкретно, тоа го направи заменик генералниот секретар, Сандра Зампа. Да потсетиме, 14 члена на Џенова беа позитивни (меѓу нив не е македонскиот репрезентативец Горан Пандев) по неделниот натпревар против Наполи и сега ги чекаат наодите на играчите на тимот од Неапол во чии редови е нашиот Елиф Елмас.

Одлуката за прекин на натпреварувањето може да ја донесат само клубовите и федерацијата.

Italian politician calls for Serie A to be suspended after 14 new COVID-19 cases at Genoa https://t.co/BfKz4zmACo

— Kop News (@Kop__News) September 30, 2020

За разлика од Зампа, министерот за спорт Винченцо Спадафора барем засега ја отфрли можноста за прекин на Серија А.

– Мислам дека шампионатот сè уште може да се игра според протокол – рече Спадафора.

Зампа исто така потврди дека одлуката за прекин на шампионатот можат да ја донесат само клубовите и федерацијата.

– Тие ќе одлучат за судбината на лигата. Или екипите кои не можат да играат ќе ги надополнат натпреварите или ќе ги предадат – вели Зампа.