Турскиот Анадолу Ефес со победата над Барселона  обезбеди пласман на завршниот фајналфор турнир кој ќе се игра во Виторија, Шпанија. Ефес во одлучувачкиот петти натпревар ја совлада Барселона со 80:71 и во полуфиналето на кошаркарската Евролига ќе игра против градскиот ривал, Фенербахче.

Шпанскиот тим подобро го започна натпреварот, одигра одлична прва четвртина и обезбеди пет поени предност (23-28), но Ефес одговорот на Ефес дојде до втората чертвртина кога дојде до пресврт и на одмор замина со позитива од пет поени (47-42). До самиот крај, турскиот тим имаше контрола на резултатот и успеа да триумфира.

Шејн Ларкин и Адриен Морман со по 18 постигнати поени беа најефикасни во составот на Анадолу Ефес, додека кај Барселона, се истакнаа Крис Синглтон и Томас Хуертел со по 12 поени.