Во рамките од 18. коло во најсилното италијанско фудбалско првенство составот на Удинезе дојде до нови три бода овојпат на гостувањето кај Лече (0:1).

Македонскиот репрезентативец Илија Несторовски беше стартер на стадионот „Виа дел Маре“, но повторно не се запиша во листата на стрелците.

Нашиот напаѓач беше заменет во 65. минута од Лазања, а единствениот погодок беше дело на Де Пол во 88. минута од средбата. После втората победа по ред (шеста вкупно во Серија А) во генералниот пласман Удинезе е на 13. позиција со 21 бод.

Во наредното коло фудбалерите на тренерот Готи на 12. јануари ќе го пречекаат Сасуоло кој загуби од Џенова во чиј меч херој беше Горан Пандев.

На претходните денешни дуели Милан со Ибрахимовиќ само ремизираше против Сампдорија, а Роналдо имаше свое гол шоу со тимот на Јувентус.