Димитриевски е четврти најдобар голман во петте најсилни лиги во Европа
Голманот на фудбалската репрезентација на Македонија, Столе Димитриевски, ја има најдобрата година во кариерата, а сега доби уште една потврда за одличните настапи.
Димитриевски кој е еден од најзаслужните што Рајо Ваљекано се наоѓа на четвртото место во Ла Лига, се најде на исто така четвртото место на најдобри голмани сезонава во петте најсилни лиги во Европа (Премиер лига, Ла Лига, Серија А, Бундеслига и Лига 1) во анализата на таблоидот „Сан“.
Според методот на „шутеви во рамки на гол, минус примени голови“, Димитриевски е четврти најдобар голман во Европа. Пред него се наоѓаат голманот на Манчестер јунајтед Давид Де Геа, Жозе Са од Вулверхемптон и Мануел Рајман од Бохум. Анализата на „Сан“, покажа дека Димитриевски, спасил 5,9 голови.
Столе Димитроевски е најзаслужен што Рајо Ваљекано по 18 кола во Ла Лига има примено само 18 голови и има четврта најдобра одбрана во шпанскиот шампионат, а сериозен интерес за неговите услуги пројави екипата на Барселона.