Џумхур разочаран: Не можам да играм на „Ролан Гарос“ поради тренерот!
Тенисерот од Босна и Херцеговина, не може да учествува на грен слем турнирот, бидејќи неговиот тренер Петар Поповиќ е позитивен на коронавирус.
Дамир Џумхур нема да биде дел од „Ролан Гарос“ годинава, тој оваа информација ја објави на својот Инстаграм профил.
– Кратка информација за сите. За жал, мојот тренер Петар Поповиќ е тестиран позитивно ова утро. Поради тоа не можам да играм на „Ролан Гарос“ и немам можност да се натпреварувам – напиша Џумхур.
Босанецот воедно додава дека тренерот не доби можност да направи втор тест.
– Тој не доби шанса да направи втор тест и сигурни сме дека беше лажно позитивен поради тоа што мојот тренер има антитела. Разочаран сум, но не можам да ја променам одлуката и морам да гледам напред. Утре со повеќе информации – стои во објавата на босанскиот тенисер.
Потсетување дека грен слем турнирот „Ролан Гарос“ ќе се игра во периодот од 21 септември до 11 октомври 2020 година.