Девет членки на ЕУ бараат од ЕК да одреди краен рок за забрана на возилата на нафта
Европската Kомисија (EK) треба да одреди краен рок за забрана на бензински и дизел автомобили на ниво на ЕУ за да го усогласи транспортниот сектор со поставените климатски цели, побараа денеска девет земји-членки.
Предводени од Данска и oд Холандија, земјите објавија писмо во кое ја повикуваат ЕК да спроведе поамбициозни политики на ЕУ во транспортот, кој е одговорен за една четвртина од штетните гасови.
Тоа мора да вклучува постепено укинување на нови бензински и дизел возила за да се постигнат нула емисии на штетни гасови, се наведува во изјавата.
– Треба да ја забрзаме зелената транзиција на копнениот транспорт, додека пратениците испраќаат јасни сигнали до производителите на автомобили и потрошувачите ширум ЕУ, изјави данскиот министер за клима Дан Јоргенсен.
Писмото го потпишаа и Австрија, Белгија, Грција, Ирска, Литванија, Луксембург и Малта.