Водечкиот американски имунолог и „заштитно лице“ на борбата против коронавирусот, докторот Ентони Фаучи вели дека вакцината би можела да биде достапна веќе кон крајот на ноември или почетокот на декември, пренесува Недељник.рс.

„Достапноста на вакцината и почетокот на вакцинацијата најверојатно ќе почне во ноември или декември“, рече Фаучи.

Сепак, борбата со коронавирусот, според неговите зборови, ќе продолжи и после тој момент.

„И ќе трае до моментот кога ќе бидеме во можност да кажеме дека сме вакцинирале доволно луѓе. А доволно е кога ќе можеме да спречиме да избие нов бран“, рече Фаучи во разговор со доктор Хауард Баухнер, главниот уредник на „Journal of the American Medical Association”, во онлајн разговор.

Фаучи: Светот ќе се врати во нормала до крајот на 2021 година

Фаучи рекол дека со различните вакцини кои се развиваат, само на територијата на САД би можело потенцијално да има 700 милиони дози до април 2021 година, но достапноста на вакцините не единствен фактор во играта, пишува Си-Ен-Ен.

„Веројатно ќе има многу луѓе кои нема да сакаат веднаш да добијат вакцина и кои повеќе ќе сакаат да почекаат да видат што ќе се случи со првите 10, 20, 30, 40 или 50 милиони луѓе“, заклучил Фаучи.