Викендов заврши летната ролер ски-сезона 2022, со финалните трки во Србија (Златибор). На двете трки во спринт на делницата од 1.2 км, Ана Цветановска и Ставре Јада забележаа по 2 победи, со тоа станаа најдобрите во летниот период на Балканот, па од организаторите беа соодветно наградени како најдобри во машка и во женска конкуренција.
Во моментов Ана е на 87-фис поени а Ставре е на 51-фис поен, тоа се најдобрите резултати од постоењето на нордиско трчање во Македонија. Ана за прв пат во нашата историја има А-олимписка норма.
И двајцата репрезентативци имаат остварено норма за Светски куп и Светското првенство во Словенија, кое ке се одржи во месец фебруари.
Тие моментално ги прават последните подготовки на суво пред да заминат на снег во Италија. Велат дека се мотивирани за претстојната зимска сезона која е пред нив и веруваат дека и двајцата со програмата на нивниот тренер Борче Јованоски ќе направат многу добри резултати во зимската сезона.