Чупиќ мајсторе, што велиш за уште една финална „магија“? (ВИДЕО)
Вардар денеска против Веспрем ќе игра во финалето за трофејот во Лигата на шампионите во „Ланксес“ арената од 18.00 часот.
Во полуфиналниот дуел против Барселона хрватското десно крило на „црвено-црните“, Иван Чупиќ беше стрелец на три погодоци.
– Второто полувреме против Барселона го красеше карактерот, главата, срцето, сите играчи го дадоа максимумот. Што се однесува до финалниот меч против Веспрем, ќе се обидеме нешто слично како против Барса, еден за друг, со заеднички сили. Ќе се договориме и околу тактичките замисли. Со тимска игра мислам дека можеме да направиме нов голем резултат – рече Чупиќ.
Чупиќ (33) има големо искуство од настапите на ваквите завршни спектакли, вкусени две титули, една во сезоната 2015/2016 со полскиот Келце и во 2016/2017 со Вардар. Ако успее уште еднаш, ќе биде првиот играч во историјата кој трипати го освоил Келн, а на истиот подвиг се надева и Момир Илиќ на спротивната страна.
Токму во 2017 година беше херојот на македонскиот шампион и неговиот победнички гол против ПСЖ. Можеме ли да бидеме сведоци на уште една негова финална „магија“?