Примарна состојка на оваа прочуена чорба се доматите. Може да се сервира топла или ладна, а може да се направи на различни начини. Чорбата од домати може да биде со мазна текстура, а постојат и рецепти кои содржат делови од домати, крем, пилешко или бујон, резанки, делови од друг зеленчук и ќофтиња. Популарни преливи за чорбата од домати вклучуваат павлака или мали парчиња леб.

Ви донесуваме брз рецепт за чорба од домати.

Состојки:

– 500 мл сок од домати
– сол, бибер, коцка за супа, свеж магдонос
– фиде за супа
– половина главица кромид
– масло
– 6 чаши вода

Подготовка:

На масло динстајте го сечканиот кромид. Додадете сок од домати и вода, па кога ќе почне да врие, внимавајте затоа што се формира пена што треба да се отстрани. Додадете ја коцката за супа, биберот и уште малку сол по потреба.

Пред крајот, додадете го фидето и кога тоа ќе омекне, супата е готова. Магдоносот ставете го на крајот.