Чави суспендиран на два натпревари, ќе ја води Барса во дербито против Реал Мадрид
Тренерот на Барселона, Чави Ернандез, поради исклучувањето на дербито против Атлетико Мадрид, нема да има право да го води својот тим на следните два натпревари во „Ла Лига“.
Чави веќе доби црвен картон оваа сезона, па во Барселона се стравуваше дека оваа суспензија може да трае дури три натпревари, што би значело дека поранешниот играч за врска ќе го пропушти дербито со Реал Мадрид.
Чави нема да може да го води тимот на натпреварите против Лас Палмас и Кадиз, кога на клупата ќе биде заменет од неговиот брат Оскар.
Првиот стратег на Барселона се враќа на клупата на 21 април кога на програмата во Мадрид е „Ел Класико“.
Барселона моментално е втора во табелата во Ла Лига со 64 бода, два повеќе од третопласираниот Атлетико Мадрид.