Бундес лигата најгледана во светот
Германската Бундес лига е најгледана фудбалска лига која ја следат просечно 43.302 гледачи по натпревар, покажуваат истражувањата на Европската фудбалска опсерваторија (ЦИЕС). Статистиката е правена за период од 15 години, помеѓу 2003 и 2018 година, а со истражувањето беа опфатени 51 фудбалска лига во 42 земји низ светот.
Бундес лигата долги години е најгледана лига, со дури 7.000 гледачи повеќе од второпласираната Премиер лига која просечно ја следат 36.675 гледачи по натпревар.
На третото место се наоѓа шпанската Ла Лига (27.381), а изненадувачки, четвртти е мексиканскиот шампионат кој го следат просечно по 25.582 гледачи. На петтото место е Серија А (22.967), а на шестата позиција се наоѓа кинеската Супер лига (22.594).
Процентуално најголем раст на гледаноста има во Полска од дури 47% благодарение на новите стадиони кои беа изградени за потребите на Евро 2012 година. Голем раст од 34% зголемена посета има и американската МЛС лига, благодарение на доаѓањето на ѕвездите од типот на Дејвид Бекам, Кака, Златан Ирахимовиќ, Кака, Андреа Пирло.
Бундес лигата се наоѓа на третото место со раст од 11%, додека веднаш зад нив е Премиер лигата која има раст од 6%.
Од Бундес лигата доаѓа и клубот со најголема посета, Борусија Дортмунд која просечно ја следат неверојатни 80.230 гледачи. На второто место се наоѓа Манчестер јунајтед со 75.218, а трета е Барселона со 74.876 гледачи по натпревар. На листата на најпосетени екипи се наоѓа и Атланта јунајтед иако клубот постои само пет години. Натпреварите на Атланта во МЛС лигата на домашен терен ги гледаат просечно по 51.547 гледачи.