Буфон оди по стапките на Касиљас
Легендарниот италијански голман, Џанлуиџи Буфон нема намера да се пензионира по завршувањето на сезоната иако ќе го напушти феанцускиот ПСЖ. Буфон иако има 41 година, сака да брани најмалку уште една сезона и токму затоа ја одби понудата на Јувентус, да биде дел од раководните структури на клубот. Исто така го стави на чекање и враќањето во матичниот клуб Парма, каде би бранел во последната сезона од кариерата.
Италијанските медиуми, шпекулираат дека Буфон ќе замени уште една голманска легенда, Икер Касиљас во Порто.
Касиљас пред 10-тина денови доби срцев удар за време на тренингот на Порто, му беше извршен оперативен зафат и врвните кардиолози тврдат дека кариерата за шпанскиот голман е завршена.
Според медиумите, челниците на Порто веќе го контактирале Буфон и веќе му понудиле едногодишен договор со можност за продолжување на договорот за дополнителна уште една година.