Легендата Ривалдо уште еднаш ги повика клупските газди да дадат сè од себе за да ја вратат големата ѕвезда на ПСЖ.

– Сите знаеме што се случи со Нејмар. Неговата разделба со Барселона беше грешка. Тој никогаш не требаше да си замине од клубот. Но, сега тој едвај чека да се врати и да ја поправи својата грешка – напиша Ривалдо на својот профил на Инстаграм.

Фановите веднаш забележаа дека на таткото на Нејмар, му се допаднал статусот на светскиот шампион од 2002 година, што би можело да биде и како најава за сензационално враќање на „Камп Ноу“.

View this post on Instagram

Sabemos tudo que aconteceu com @neymarjr. A saída dele do @fcbarcelona foi equivocada jamais ele deveria ter saído de um dos maiores clubes do mundo. Porém ele está com muita vontade de voltar e assumir o que fez. Que o presidente do @fcbarcelona e todos da diretoria não deixem o @neymarjr ir para outro clube. Espero que se resolva com o @psg e ele possa voltar logo do lugar de onde ele nunca deveria ter saído. Visca Barça

A post shared by Rivaldo Ferreira (@rivaldo) on Aug 27, 2019 at 5:58am PDT

Ривалдо (47) своевремено со Барса двапати ја освојуваше „Ла Лига“, а по еднаш УЕФА Суперкупот и Копа дел Реј. Во 157 натпревари реализираше 86 голови во каталонскиот дрес.

Што се однесува до можниот трансфер на Нејмар во Барселона, француските медиуми денеска известија дека во Париз се одржани нови преговори.

Каталонскиот „Мундо депортиво“, пак, тврди дека е постигнат договорт и дека пресудила желбата на Бразилецот за враќање во Барселона. Според истите извори, Барса ќе плати 160 милиони евра за играчот, а исплатата ќе биде реализирана во две рати.

Освен тимот од „Камп Ноу“, во трката за Нејмар се наоѓаат уште Реал Мадрид и Јувентус.