Бразилска самба против Перу (ВИДЕО) – Слободен печат
СпортФудбал

Бразилска самба против Перу (ВИДЕО)

Можен противник на „кариоките“ во четвртфиналето на Копа Америка е Аргентина.

Домаќинот на Копа Америка, Бразил во последното трето коло од групната фаза го покажа вистинскиот потенцијал, декласирајќи го Перу со 5:0.  Бразил надмоќно го освои првото место во групата А, со седум бодови и импресивна гол разлика од 8:0.


Гол шоуто на „кариоките“ го отвори Каземиро уште во 12. минута, а седум минути подоцна Фирмињо го постигна најчудниот гол на Копа Америка. Тој прво успеа да го блокира шутот на противничкиот голман, а  топката откако се одби од стативата дојде во неговите нозе по што не му беше тешко да го совлада Галесе.

Останатите голови беа дело на Евертон, Алвес и Вилијан за најубедлива победа досега на Копа Америка.

Во вториот натпревар, Венецуела со победата од 3:1 над Боливија дојде до второто место во групата со што си обезбеди пласман во четвртфиналето.
Најзаслужен за триумфот на Венецуела беше двојниот стрелер Марчис, додека Партинез беше стрелец на третиот гол. Почесниот погодок за Боливија го даде Хустинијано во 82. минута.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close