Видео: Во Бразил користени луѓе како жив штит во грабежи на банки, загинаа три лица

Вооружена банда денеска изврши напади врз неколку банки во еден бразилски град, користејќи ги локалните жители како жив штит. Напаѓачите пукале кон полицијата, а зад себе оставиле експлозивни направи. Најмалку три лица загинаа во нападите, изјави висок претставник на државната безбедност.

Биле ангажирани повеќе од 350 полицајци кои користеле два хеликоптера, а двајца напаѓачи се уапсени.

Инцидентот се случи во Арасатуба, град со околу 200.000 жители во сојузната држава Сао Паоло, и е најнов во серијата насилни грабежи на банки во Бразил.

Експертите сметаат дека бразилската програма за помош на сиромашните во текот на пандемијата на Ковид-19 ги ​​охрабри разбојниците да извршат дрски напади во помалите градови во внатрешноста на земјата, каде што филијалите на банките сега чуваат повеќе готовина.

– Повеќе од 20 тешко вооружени лица го извршија нападот, користејќи 10 автомобили, изјави на прес-конференцијата извршниот секретар на воената полиција на државата Сао Паоло, Алваро Камило.

Тој истакна дека се случиле два одделни судира со полицијата, при што загинале три лица, меѓу кои двајца локални жители и еден од напаѓачите.

Камило ги повика жителите на градот да не ги напуштаат своите домови додека не се најде и деактивира експлозивот.

Според соопштението на воената полиција, додека разбојниците бегале, тие го користеле локалното население како жив штит и палеле автомобили, оставајќи експлозивни направи низ целиот град.

Во соопштението се додава дека двајца напаѓачи се уапсени, како и дека на еден минувач, кој бил повреден во експлозија, му била ампутирана ногата.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот