Борец ангажираше тројца младински репрезентативци
Борец одлично се подготви на висинските припреми во Банско. Велешани одиграа повеќе пријателски средби одлично, како во земјава така и во соседна Бугарија каде што одигра неколку интернационални мечеви.
Во екипата владее тимски дух, позитивна енергија и желба за докажување во шампионатот. Не се оптоваруваат со ниту еден тим ниту со распоредот, туку пристапуваат од натпревар во натпревар. Клубот воедно најави дека в недела од 19 часот ќе го игра последниот тест во Штип против Брегалница.
– Покана до Гемиџиите и сите наши подржувачи, љубители и сограѓани да присуствуваат и да го бодрат нашиот тим на овој последен пријателски натпревар пред стартот на долго очекуваната сезона во ПМФЛ – соопштуваат од ФК Борец Велес.
Еден видно изменет состав, за новата натпреварувачка сезона 2019/20 ангажирани се неколку нови фудбалери.
Во своите редови клубот ги донесе Никола Прелчец (Хрватска, Истра), Џорџе Ивљанин (Србија, Јагодина), а се засили и со тројца младински репрезентативци:
-Филип Трајановски (Шведска, Хакен-Академија Пандев)
-Емил Абаз (Динамо Загреб, Белгија, Андерлехт, Бершот)
-Стефан Богдановски (Словачка, Спарта Трнава, Серед)
-Мартин Блажевски (Македонија ЃП)
-Владимир Жоглев (Победа)
-Стефан Лазаревиќ (Македонија ЃП, Тетекс)
-Како и со голманот Бурхан Мустафа (Косово)
И со постоечкиот кадар и тимот којшто успеа минатата сезона да ја освои Втората лига – Исток, Борец создаде еден квалитетен и кадарен колектив да го понесе притисокот во ПМФЛ.