Борче Христов е новиот шеф на стручниот штаб на ФК Тиквеш, откако Ѓорѓи Мојсов поднесе оставка по поразот од Арсими (3-4) на домашен терен. Искусниот стратег ја презема екипата со задача да ја стабилизира ситуацијата и да го извлече тимот од резултатската криза која ја имаат последниве недели.

По заминувањето на Мојсов, во јавноста беа споменувани неколку кандидати, но раководството на клубот одлучи да му ја довери клупата на Христов, кој е познат по своето долгогодишно искуство во македонскиот фудбал. Христов има работено во младинската школа на Вардар и бил тренер на клубови како Борец, Работнички и Еуромилк. Покрај домашното искуство, неговата кариера го носи и во Азербејџан, каде што ја водел екипата на Карабах и Зира.

Неговото искуство и познавање на фудбалскиот амбиент во Македонија и странство даваат надеж дека ќе успее да го врати тимот на вистинскиот пат.

Преземено од: Спорт.ком