Нов играч на фудбалскиот клуб Пелистер кој ќе се приклучи на подготовките е Бојан Спиркоски кој доаѓа од ФК Победа, игра во нападот каде што ќе се зголеми конкуренцијата.

Спиркоски претходно настапуваше и за ФК Силекс, ФК Брегалница, а има интернационална кариера во Јихлава, Чешка. Најзаслужен за влезот на ФК Победа во Првата лига беше токму Спиркоски каде постигна 20 голови и беше најдобар стрелец во Втората лига.

ФК Пелистер се подготвува за вториот дел од сезоната, од 27 јануари до 11 февруари ќе игра пријателски натпревари.

За в петок е закажан тестот против Караорман на Градскиот стадион Струга, потоа на 31 јануари ривал е Работнички на стадионот Билјанини извори во Охрид, а на истиот терен на 4 февруари ќе се соочат со ФК Брегалница.

Потоа, битолчани се селат во Прилеп каде на Градскиот стадион Гоце Делчев ќе играат против ФК Победа, а на Градскиот стадион Кавадарци контролен дуел ќе имаат со ФК Тиквеш.