Американскиот претседател Џо Бајден денеска телефонски разговараше со израелскиот премиер Бенјамин Нетанјаху за развојот на ситуацијата во Израел и Газа, соопшти Белата куќа, додека израелската армија ја продолжува воената операција во јужниот дел на Појасот Газа.

Засега не се објавени детали од разговорот, но Белата куќа соопшти дека подоцна ќе објави соопштение.

Разговорот на Бајден со Нетанјаху доаѓа откако претставници на Црвената полумесечина пријавија „интензивен оган од израелски беспилотни летала врз цивилите во болницата „Ал Амал“ во Кан Јунис, главниот град на јужниот дел на Појасот Газа.

Израел оваа недела започна голема операција врз Кан Јунис за да го заземе градот за кој вели дека сега е примарна база за борците на Хамас во Појасот Газа