Дејвид Бекам пристигна на првиот ден од овогодинешниот Вимблдон речиси веднаш по операцијата на зглобот. Наместо со неговата сопруга Викторија, мечот помеѓу Карлос Алкараз и Фабио Фоњини Бекам го гледаше со неговата мајка Сандра.

Со десната рака во завој, но со насмевка на лицето, поранешниот капитен на англиската репрезентација привлече внимание од кралската ложа, а публиката го поздрави со овации и по повод неодамна доделена витешка титула од страна на кралот Чарлс III.

Но, она што особено ја насмеа јавноста беше објавата на Бекам на социјалните мрежи. Тој објави фотографија со неговата мајка Сандра со духовит опис:

– Реакцијата на мајка ми кога ѝ велам дека мора да ме вика „сер“ цело време.