Барселона веќе ги направи првите чекори во потрагата по наследникот на Ернесто Валверде. Според „Марка“, Валверде дефинитивно ја напушта клупата на Барселона само прашање е дали тоа ќе се случи на крајот од сезоната или до крајот на месецов.

Весникот тврди дека управата на Барселона ја пикирала легендата на клубот, Чави Ернандез, и веќе ги направила првите чекори. Извршниот директор Оскар Грау и спортскиот директор Ерик Абидал по поразот од Атлетико, заминале на преговори во Доха каде Чави работи како тренер на Ал-Сад.

Засега нема информации дали Чави ја прифатил понудата, но „Марка“ објави дека Барселона е подготвена да го чека Чави до крајот на сезоната.

Чави Ернандез речиси целата кариера ја помина во Барселона, тој дресот на каталонскиот клуб го носеше од 1999 до 2015 година, по што премина во Ал-Сад за кого играше се до минатата сезона, кога стана тренер и стави крај на играчката кариера.

Како член на Барселона, Чави осум пати триумфираше во шпанската Ла Лига, три пати го освојуваше Кралскиот клуб и четири пати триумфира во Лигата на шампионите.