Авганистан: Девет деца загинаа на пат кон училиште
Девет деца загинаа денеска во Авганистан кога експлодира мина додека оделе на училиште, соопшти полицијата.
– Ова подрачје е под контрола на талибанците и со оглед на тоа што безбедносните сили започнале напади за да се исчисти, талибанците поставиле противпешадиски мини – изјави портпаролот на полицијата Калил Асир.
Тој додаде дека меѓу настраданите деца, на возраст од девет до 12 години, има и четири од „талибанските семејства“.
Експлозијата се случи во североисточната провинција Такар. Во Авганистан и во сабота се оди на училиште.
Претставниците на талибанците сè уште не се огласија за злосторството.
Цивилните жртви во Авганистан годинава достигнаа рекорден број и покрај напорите на САД и талибанските бунтовници да постигнат мировен договор.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот