Советниците во Советот на Град Скопје од СДСМ на денешната седница наменета за советнички прашања реагираа затоа што вторпат по ред на ваква седница не присуствува градоначалничката Данела Арсовска.

Советничката Љубица Јанчева побара одговор зошто Арсовска не е на седницата, а претседателот на Советот Трајко Славевски не можеше да одговори затоа што таква информација немаше.

 Должност на секој градоначалник во минатото, за жал не и во овој мандат, секој втор месец кога со Деловникот е предвидено посебна седница за советнички прашања, градоначалникот да биде овде. Да, знам дека ќе ми одговорите дека има претставник на градоначалникот, дека се тука раководителите на секторите, меѓутоа советниците ако бараат да му постават прашање на градоначалникот тогаш треба да им одговори градоначалникот. Овие прашања се од граѓаните кои ни ја дале довербата и ние имаме обврска да им одговориме. Затоа ние ќе ја напуштиме седницата – рече Јанчева.

Трајковски  даде кратка пауза за да се утврди каде е Арсовска и дали таа ќе дојде на седницата на Советот или не, за да одговара на прашањата упатени кон неа. Градоначалничката се појави по завршувањето на паузата.