Американка дала отказ за да патува по светот и да следи фудбалски натпревари
Џесика Мелоун е една од ретките Американки кои го обожуваат фудбалот, таа уште од СП 1998 година се вљуби во најважната споредна работа на светот. Колку е вљубена во фудбалот, Џесика покажа со тоа какво име му даде на своето куче, Зинедин Зидан.
Таа до неодамна работеше во фирма за недвижнини, но поради фудбалот си даде отказ и одлучи да патува низ светот и да посети што повеќе стадиони.
Откако даде отказ, Џесика Мелоун беше во 13 држави и посети 44 стадиони и следеше 60 натпревари во последните шест месеци. Таа досега била во Англија, Италија, Шпанија, Франција, Унгарија и во земји во Централна и Јужна Америка.
Џесика ја гледаше Боа Јуниорс на „Бомбоњера“, Барселона на „Камп Ноу“, а беше и на култни стадиони и како „Маракана“, „Сан Сиро“, „Олд трафорд“, „Вембли“, „Олимпико“…
– Тоа беше неочекувано, имав работа но тоа беше он-лајн и дури немав своја канцеларија во фирмата. Одлучив да си дадам отказ и да патувам низ светот. Првата работа која сакав да ја видам беше да го следам Меси во живот. На листата на желби имав неколку стадиони кои сакав да ги посетам и тоа го направив. Последните шест месеци ми се најубави во мојот живот – изјави Џесика.
