Американците ја научија лекцијата, со „Дрим тим“ на ОИ во Токио
Репрезентацијата на САД на неодамна завршено Светско првенство во кошарка кое се одржа во Кина, го освои седмото место што е најслаб пласман во историјата.
Главна причина за катастрофалниот настап на Мундобаскетот е отсуството на најголемите НБА ѕвезди кои не сакаа да играа за репрезентацијата. Но, Олимписките игри за разлика од Светското првенство се многу попривлечни за најдобрите американски кошаркари, и голем број на НБА ѕвезди најавија дека сакаат да играат во Токио со што САД повторно ќе има „Дрим тим“.
Последен кој изрази желба да игра за репрезентацијата е најдобриот стрелец во последните две години, Џејмс Харден од Хјустон рокетс.
– Една е целите ми е да ја претставувам мојата преубава земја на Олимписките игри – порача Харден.
Веднаш откако Харден го потврди учеството, се јави и Џими Батлер кој исто така изрази желба да биде дел од репрезентацијата на САД на Игрите во Токио.
Пред Харден, одлука да настапат на ОИ во Токио донесоа и Стеф Кари, Демиен Лилард, Пол Џорџ, Дрејмонд Грин…