Поранешниот тренер на Јувентус по заминувањето од Торино си зеде едногодишен одмор, но италијанската „Ла Стампа“ пишува дека нов клуб на Алегри треба да биде францускиот шампион ПСЖ.

Актуелниот тренер на ПСЖ, Томас Тухел е на тенок лед кај челниците на клубот поради неможноста да ја контролира состојбата во соблекувалната, а најголем минус му е лошиот однос со Килијан Мбапе.

Но, доколку Лигата на шампионите продолжи во август и ПСЖ успее да триумфира, Тухел би требало да остане на клупата на францускиот тим.

Масимилијано Алегри во 2019 година си замина од Јувентус каде во петте години поминати на клупата освои пет титули во Серија А, четири Купа на Италија но има и два порази во финалето на Лигата на шампионите.