Академија Пандев се искачи на врвот по победата над Работнички
Се комплетираше второто коло во Првата македонска лига со натпреварот Академија Пандев – Работнички во кој домаќините славеа со 2:0.
Немаше погодоци во првото полувреме, а во второто „пандевци“ стигнаа до трите бода со голови реализирани од пенал.
Мирчевски двапати беше прецизен од белата точка во 73 и 86 минута за прв триумф на неговата екипа во шампионатот.
На табелата сега четири екипи го делат првото место со по четири бодови, тие се Академија Пандев, Шкупи, Ренова и Струга.
По три имаат Борец, Работнички и Македонија ЃП, по два Скопје и Брегалница Штип, по еден Шкендија и Тиквеш, а единствен без бодови е Пелистер.