Како што пренесуваат хрватските и турските медиуми, Аријан Адеми (28) би можел да ја продолжи кариерата во еден од најпознатите европски клубови.

Македонскиот репрезентативец е една од желбите на еден од најголемите турски фудбалски гиганти, Фенербахче.

За оваа екипа претходно настапуваше Елиф Елмас кој од оваа натпреварувачка сезона е член на италијанскиот Наполи.

Адеми претходно се најде во центарот на вниманието, односно најголема прашина се подигна со одбивањето на фудбалерите да им се намалат платите и актуелните договори поради пандемијата на коронавирус.

За нашиот интернационалец се вели дека е малку потешка ситуацијата. Тој е капитен на „модрите“ и вреди 5,5 милиони евра според „Трансфермаркт“.

Има договор со Динамо Загреб до 30 јуни 2023 година, а Хрватите не веруваат дека Македонецот би можел да направи трансфер во екипата на Фенербахче и дека би бил многу скап.