Адеми и Тричковски неизвесни за настап против Полска!?
Репрезентацијата на Македонија го одржа официјалниот тренинг во „ПГА Народови“ Арената каде утре од 20:45 часот ќе го игра против Полска во натпревар од квалификациите за ЕУРО 2020.
Аријан Адеми и Иван Тричковски не тренираа поради повреди и се под голем знак прашалник за настап на мечот в недела.
Езгјан Алиоски кој вчера не тренираше, денеска работеше со тимот и најверојатно ќе биде спремен за игра.
Селекторот Игор Ангеловски е свесен за големиот предизвик кој го очекува, но се надева дека на ова гостување неговите фудбалери ќе освојат бод(ови).
Сите посакуваме нова голема победа, па и реми би ни било добредојдено, но истовремено желбата е Австрија да не триумфира викендов на гости кај Словенија.