Адеми и Ристовски ќе играат пред 20.000 навивачи за влез во групите на ЛШ
Во среда со почеток од 21.00 часот на стадионот „Максимир“ ќе се игра возвратниот меч од плеј-офот за пласман во групите на Лигата на шампионите помеѓу Динамо Загреб и Бодо/Глимт.
На првиот натпревар во Норвешка екипата на Бодо/Глимт триумфираше со 1:0 и е поблиску до елитата, но Хрватите најавуваат пеколен реванш пред своите верни навивачи.
Распродадени се сите влезници за утрешниот дуел, па така се очекува околу 20.000 навивачи да им дадат поддршка на „модрите“ во чии редови се и македонските репрезентативци Аријан Адеми и Стефан Ристовски.
– Ги известуваме навивачите дека се распродадени сите достапни индивидуални билети за плеј-оф натпреварот од Лигата на шампионите Динамо – Бодо/Глимт на стадионот Максимир во вторник попладне! Динамо во среда на овој важен натпревар за групна фаза од Лигата на шампионите ќе има голема поддршка од своите навивачи од трибините. Се гледаме на Максимир! Заедно до Лигата на шампионите – пишува на сајтот на Динамо.
Потсетување дека поразениот од овој двомеч ќе игра во групите на Лига Европа.