Тотенхем губеше со 2:0 на полувремето од Ајакс, но во вторите 45 минути успеа да направи вистински пресврт и со три гола, од кои последниот во самиот финиш на средбата, дојде до триумф кој ги однесе во финалето и натпревар за титулата против Ливерпул.

– Ова беше луд натпревар, бевме на колена, се обидувавме да се вратиме и имавме среќа. Навистина ми е жал за Ајакс, одиграа одлично против нас. Реално, тие играа подобар фудбал но ние создадовме повеќе шанси. Пласманот во финалето е остварување на сонот – изјави Кристијан Ериксен, фудбалерот на Тотенхем.

Јунак на навивачите но и на соиграчите во Тотенхем е Лукас Моура кој ги постигна сите три гола.
– Моравме да се бориме, посгитнавме гол на стартот на второто полувреме и тоа не врати во живот. Го имавме Лукас Моура, тој го доби натпреварот. Се надевам дека ќе добие статуа во Англија по овој натпревар – додаде Ериксен.