Затоа е голем човек: Сер Алекс усреќи тешко болен навивач на Јунајтед
Најуспешниот тренер во историјата на Манчестер јунајтед, сер Алекс Фергусон покажа дека кога е во пензија има специјален однос со навивачите на „црвените ѓаволи“.
Навивачот на Јунајтед, Демиен Никсон е тешко болен од карцином, лекарите му соопштија дека нема лек и дека му остануваат уште помалку од 12 месеци.
Сепак, месецов на лицето на 32-годишниот Никсон се појави насмевка бидејќи успеа да го оствари детскиот сон, да го запознае легендарниот менаџер на Јунајтед, сер Алекс Фергусон.
Сопругата на Демиен, Саманта дознала дека сер Алекс Фергусон е во болницата и им се јавила на пријателите за да се обидат да го пронајдат.
– Чекавме пред собата во која се задржа час и половина. Кога излезе му соопштивме дека сакаме да го изненадиме Демиен – изјави Саманта.
Кога слушнал за што станува збор, Фергусон прашал каде се наоѓа собата на Демиен.
– Реакцијата беше неверојатна. Братот на Демиен тоа утро на демиен му донесе дрес од Јунајтед од 1999 година кога Манчестер триумфира во Премиер лигата, ФА Купот и Лигата на шампионите. Го облече зво денот кога го запозна сер Алекс Фергусон – открива Саманта.
A very close friend of mine currently in hospital battling terminal cancer gets a visit from his biggest hero Sir Alex Ferguson. This will be such a boost to him and a lovely gesture from the @ManUtd legend in his final days. Damien is a huge Utd fan and really deserved this ? pic.twitter.com/ZnMLp7IJ0M
— Callum Drew Craven (@Crave_Dog) February 11, 2020
Фергусон одредено време останал со собата разговарајќи со Демиен и неговите пријатели, а болниот навивач на Јунајтед, му соопштил на легендарниот тренер дека едно од најголемите разочарувања му било кога сер Алекс во 2013 година заминал во пензија.
– Сер Алекс ни кажа дека запознал вистински херој. Беше вознемирен при излегувањето од собата и молческум гледаше кон Демиен. За нас отсекогаш бил легенда, а тоа што го направи ќе го паметиме засекогаш. Беше во болница од приватни причини, но сепак најде да го посети Демиен – вели Саманта.