Започна втората фаза на продажба на билетите за Мундијалот во Катар
Денеска започна втората фаза на продажба на билети за претстојното Светско првенство во Катар и ќе трае се до 28 април, соопшти организаторот.
Од денеска ќе бидат достапни четири типа на билети: влезници за поединечен натпревар во четири парични категории од кои последната е резервирана за жителите на Катар, потоа влезници резервирани за навивачите на една репрентација учесник на Мундијалот, како и влезници за четири натпревари на четири различни стадиони.
Билетите се за околу 30 отсто поскапи од цената на влезниците на претходниот Мундијал во Русија 2018 година.
За странските навивачи, цените на поединечните билети за првото коло од Мундијалот во Катар се движат од 250 до 800 катарски ријали, односно меѓу 62 и 200 евра за еден натпревар. Цената влезница за финалето се движи од 550 до 1.460 евра.
Цените на влезниците за катарските државјани се движат од 10 до 190 евра по натпревар.