Според експертите од КПМГ, клубовите од првенствата во Англија, Шпанија, Германија, Италија и Франција ќе останат покуси за неверојатна сума која се движи од 3.45 до 4 милијарди евра.

Очекувано најголеми загуби ќе имаат екипите од Премиер лигата, тие ќе загубат најмалку 1.35 милијарди евра, од кои само 800 милиони евра се од ТВ правата.

Шпанската Ла Лига ќе загуби околу 600 милиони евра, Серија А и Бундеслигата по 450 милиоони евра, а француската Лига 1 околу 200 милиони евра.

Проценката на КПМГ е направена пред УЕФА да донесе одлука Европското првенство да се одложи на наредната година, а според експертите на консултантската куќа, загубите нема да бидат толку големи доколку се завршат сезоните во најсилните европски лиги.

Речиси сите челници на лигите најавуваат дека е можно натпреварите да се играат и во јуни и јули само за да се заврши сезоната.