Заев oд Бекингемската палата директно во Волково: Тука ми е поубаво, дома си е дома
400 000 евра ќе ја чини општина Ѓорче Петров спортската сала, која започна да се гради во рамки на ОУ „Јоаким Крчовски“, а која денеска ја посетија премиерот Зоран Заев, и градоначалникот Александар Наумоски.
– За две години, Владата и општината имаат вложено 3,5 милиони евра, за асфалтирање улици, изградба на детска градинка, кружен тек и фекална канализација, суми кои што не се запаметени во историјата на општината, рече градоначалникот Наумоски.
– Директно од Бегингемската палата палата, дојдов во Волково да ја промовирам изградбата на спортската сала. Убаво е чувството, дома си е дома, рече Заев.
Во училиштето учат 367 ученици, кои наскоро ќе добијат спортска сала по сите димензии и стандарди, каде што учениците ќе можат да ги спроведуваат активностите по физичко образование. Салата е со големина од 650 метри квадратни.