8 C
Скопје

Врие во партијата на Али Ахмети: Од пресметките во ДУИ се „дезинтегрира“ Собранието

Внатрешни судири и борба за доминација помеѓу различни групации ја тресат партијата на Али Ахмети, а тие судири се рефлектираат врз работата на Собранието, велат извори во партијата.

Според неофицијални информации, пратеникот Изет Меџити и уште двајца други народни избраници од редовите на ДУИ не доаѓаат на собраниски седници поради незадоволството од состојбата во партијата и со тоа ја блокираат работата на законодавниот дом. Неофицијално, тие бараат партискиот лидер Али Ахмети да ги тргне Артан Груби и Бујар Османи и од партијата, а со тоа и од високите позиции во Владата.

Собранието од трети февруари наваму не може да одржи пленарна седница. Спикерот Талат Џафери вчера најави „разврска“ за намерното недоаѓање на седниците на пратениците од владејачкото мнозинство, особено од ДУИ.

Прочитајте и...  ВИДЕО | Ѓуровски за нон-пејперот: Обид за факторизација на Јанша како европски Трамп, Македонија мора да реагира поагресивно

– Сите пратеници имаат обврска да дојдат на работа, а калкулациите се друга работа. Мислам дека ќе има разврска. И Деловникот и Уставот се такви што пратеникот не може да се повикува на одговорност за начинот на работа и општење по однос на функцијата. Пратеникот може самиот да се изјасни како ќе настапува понатаму. Од пратеничката група на ДУИ не кажуваат дали некој пратеник ќе стане независен. Тоа никој не може да го казнува. Но, од друга страна, да дејствувам како пратеник од таа пратеничка група, а да не доаѓам, е тоа веќе е лична одговорност, рече Џафери.

Професорот Џевдет Хајредини, добар познавач на политичката сцена, особено во албанскиот блок, за „Слободен печат“ вели дека во наредниот период очекува да дојде до расплет во ДУИ.

Прочитајте и...  Српското обвинителство отвори случај против градоначалникот на Јагодина: Палма е обвинет дека подведувал девојчиња

– Недоаѓањето на седници на дел од пратениците на ДУИ е првиот симптом дека наскоро во партијата ќе почне расплетот, за кој сметам дека не може да биде делумен, туку само целосен. Ако почне процесот на раслојување, партијата ќе се растури и ќе дојде до дефинитивен крај на ДУИ. Тогаш сите ќе завршат таму каде што треба, почнувајќи од врвот. Затоа тие се држат заедно бидејќи тоа им е и единствениот спас, во спротивно ќе отидат во амбис. Дел од високите структури ги имаат т.н. „бомби“ и затоа станаа моќни. Доколку некој се осмели да зборува против нив, црно му се пишува, вели Хајредини.

Поврзани вести

ВИДЕО I Русија ја активира северната флота: Целта е да се заземат стратешките точки на Арктикот по секоја цена

Слободен печат

Повторно се тресеше Хрватска: Земјотрес е забележан и во Словенија

Слободен печат

ВИДЕО I Заврши судењето за убиството на Афроамериканецот Џорџ Флојд: Војска и хеликоптери низ улиците на САД, Дерек Шовин е виновен

Слободен печат

ВОЗНЕМИРУВАЧКО ВИДЕО: 12-годишно девојче oд Велес, брутално нападнато од својата врсничка додека останатите гледаат и снимаат со телефон

Слободен печат

Кинеската вакцина е 93 отсто ефикасна во спречување на хоспитализација: Не е забележам ниту еден смртен случај

Слободен печат

Вработен во казино играл со пари што ги извадил од апарати, „се покрил“ со 5.000 службени евра

Слободен печат

Остави Коментар