Во Судан денеска продолжија судирите со воздушни напади врз Картум, додека борбите се интензивираа во областа Дарфур на запад, но нема извештаи за можни жртви.

Жителите на Картум известија дека најголемата болница во главниот град била цел на беспилотно летало, додека во саботата во сличен напад на истиот објект загинале пет лица, а 22 се повредени, соопшти армијата.

Во Дарфур, огромен регион веќе погоден од граѓанска војна во 2000-тите, локалните жители денеска изјавија дека борбите продолжуваат.

Судирите во Судан избија на 15 април меѓу суданската армија и паравоените единици предводени од двајца ривалски генерали. Во борбите меѓу армијата на генералот Абдел Фатах ал-Бурхан и паравоената формација на генералот Мохамед Хамдан Дагл од средината на април, загинаа 3.000 луѓе, додека повеќе од три милиони ги напуштија своите домови.