Ромелу Лукаку се врати во Челзи, навивачите на Интер беа и лути и разочарани поради таквиот трансфер, но челниците на миланските „нераѕури“ имаат план како клубот повторно да доминира и во новата сезона.

Раководството на интер најде играч кој ќе се обиде да го компензира заминувањето на најдобриот стрелец минатата сезона во Интер, Лукаку.

Според добро информираниот весник „Гаѕета дело спорт“, новиот напаѓач на Интер ќе биде синот на легендарниот француски фудбалер Лилијан Тирам, Маркус, кој играше одлично за Борусија Менхенгладбах во претходните сезони. Од 2019 година Тирам за бундеслигашот досега има 61 настап и 18 голови.

Германскиот клуб бара 30 милиони евра за услугите на својот играч, „Гаѕета“ тврди дека трансферот ќе чини 25 милиони евра плус бонуси.

Дали Маркус Тирам и Лаутаро Мартинез ќе бидат тандемот што ќе го брани Скудетото во Италија, останува да видиме.