14 C
Скопје

Владата „преживеа“, на ред се интерпелациите

Со 62 пратенички гласа Владата вчера ја доби довербата на Собранието, откако претходно премиерот Зоран Заев усно побара од пратениците да се изјаснат.  Но, според експертите за работата на Собранието, тоа не значи дека поднесените интерпелации за министрите за правда и за внатрешни работи, Бојан Маричиќ и Оливер Спасовски, и за вицепремиерот за борба против криминалот и корупцијата Љупчо Николовски, се сметаат за завршена работа.

Според професорот по уставно право Светомир Шкариќ, постои разлика меѓу доверба на Владата и интерпелација на одреден министер. Тој вели дека првиот поим е колективен и се однесува за целата влада, а вториот е поединечен чин и еден со друг не се исклучуваат.

– Кога е во прашање довербата на Владата, таа не може да се постави по истекот на три месеци по прво изгласаната доверба, а интерпелација може да се поставува без разлика кога е изгласана доверба на Владата, нема ограничувања. Доставените интерпелации треба да добијат своја собраниска процедура и претседателот на Собранието е должен да ги стави на дневниот ред онака како што е предвидено со Деловникот – вели Шкариќ.

Прочитајте и...  Нов општествен договор

Според собраниски извори, интерпелациите за Маричиќ и Николовски ќе бидат ставени на првата наредна седница што ќе ја закажа претседателот на Собранието, Талат Џафери, некаде во средината на март.

Политичкото раководство, но и видни членови на ВМРО-ДПМНЕ, не го кријат своето разочарување откако Владата на Зоран Заев вчера не падна. Според лидерот на партијата Христијан Мицкоски, гласањето било без можност за дебата и е доказ за слабоста на Заев и неговата недоверба во мнозинството.

„Вака Заев ќе купи уште некој ден живот на Владата приклучена на апарати за дишење, но исто како и мојата ковид-зараза, тие денови ќе поминат. Тогаш повторно ќе се постави прашањето за доверба на Владата, при што сите негови актуелни закани, уценувања и притисоци врз пратеници ќе паднат во вода и ден потоа Заев нема да биде премиер“, напиша Мицкоски во својата реакција.

Прочитајте и...  Прага бара Русија да го напушти просторот што го зазема нејзината Амбасада за да засадат дрвја и цвеќиња

И опозициската коалиција Алијанса и Алтернатива не ја крие својата изненаденост од политичкиот маневар на Заев. За координаторот на пратеничката група Скендер Реџепи, Владата покажала две работи: дека нема доверба во своето мнозинство и дека се плаши од она што ќе го изнесе опозицијата во дебатата за доверба на Владата. 

Според Заев, со завчерашното гласање се тргнала неизвесноста за граѓаните и за економијата предизвикана од заканите за ново мнозинство и паѓање на Владата. Според него, бројката од 62 пратеници е мала, но е доволна.

– Убаво е мнозинството да е поголемо од 62, ама вака нè држи будни. Тоа носи и свои придобивки. Верувам дека ќе издржи четири години – рече Заев.

Прочитајте и...  Мицкоски-Паун: Власта катастрофално се справува со економската ситуација, 60.000 граѓани веќе се останати без работа

Поврзани вести

Спасовски: Со координирана акција и активна меѓународна соработка до справување со глобалните безбедносни ризици

Слободен печат

Џорџ В. Буш ја критикува Републиканската партија на САД

Слободен печат

Социјалдемократите го слават денот на канабисот и жалат за бавната легализација

Слободен печат

Франција прва што ќе го тестира „ковид сертификатот”

Слободен печат

Министрите за надворешни работи на Г7 во мај ќе одржат состанок со физичко присуство

Слободен печат

Донесена одлука за едностран раскин на Договорот за концесија за ископ на песок во Долно Коњаре

Слободен печат

Остави Коментар