Вкусно и едноставно: Месен ролат со тиквички и јајца
Доколку се мислите и грижите каков ручек да приготвите денес а да не ви одземе премногу време, имаме идеја за вас!
СОСТОЈКИ:
- 500 г мелено јунешко
- 1 тиквичка
- ½ главица кромид
- 1-2 чешниња лук
- 2 лажици доматен сос
- 2 резанки стар леб
- 1/3 чаша рендан пармезан
- 1 јајце
- 3 тврдо варени јајца
- магдонос
- лебни трошки
- сол и црн пипер
ПОДГОТОВКА:
Во еден сад изрендајте ја тиквичката, додајте ѝ ги сечканиот лук и кромид, магдоносот, сосот од домати, месото и зачинете со сол и црн пипер. Лебот натопете го во вода да омекне и така натопен додајте го во месото, заедно со јајцето и пармезанот. Замесете ја смесата да се распоредат состојките. Плехот за печење намачкајте го со масло и покријте го со слој лебни трошки. На нив ставете една третина од смесата во форма на правоаголник, над ова ставете ги лупените варени јајца, прекријте со другата смеса и обликувајте ролат. Посипете го со лебни трошки, ставете малку масло одозгора и печете во рерна загреана на 180 степени, 40-ина минути.
Пријатен ручек.