Вимблдон: И Циципас загуби сет па се пласира во второто коло
Грчкиот тенисер Стефанос Циципас го победи Швајцарецот Александар Ришард со 3:1 во сетови и тоа 7:6,6:3,5:7,6:4, по три часа и 34 минути игра и се пласира на второто коло на Вимблдон.
Во првиот сет и двајцата тенисери направија по два брејка, па прашањето за победникот беше решено во тај-брејк во кој грчкиот тенисер беше многу подобар и на противникот му дозволи да освои само еден поен.
Вториот сет се одвиваше целосно во знакот на петтиот тенисер на АТП ранг листатакој двапати му го одзеде сервисот на Ришард и поведе со 2:0 во сетови.
Но, Швајцарецот не се предаде и благодарение на одлучниот сервис успеа да спаси неколку брејк топки за потоа во 11 гем да направи брејк и да ја намали предноста на Циципас на 2:1 во етови.
Четвриот сет започна одлично за Ришард кој дојде до брејк во воведниот гем, но Циципас веднаш направи ри-брејк , а потоа со уште еден брејк во десеттиот гем го завери пласманот во второто коло. Следен противник ќе му биде Австралиецот Џордан Томпсон, кој во три сета го елиминира Роберто Карбељас Баења.
Убедлив настап во првото коло имаше Роберто Баутиста Агут кој му дозволи на Унгарецот Балаш да освои само четири гема, додека победа во пет сета издвојуваа Денис Шаповалов, Лоренцо Сонего и Филип Крајиновиќ во дуелите со Риндеркнех, Кудла и Лехецка.