Единаесет лица загинаа, а 11 други се ранети денеска во големиот руски ракетен напад врз Украина, што се случи еден ден откако Германија и САД се договорија да испратат тенкови во Украина, соопштија украинските власти.

Врховниот командант на украинската армија, генерал Валериј Жалузни изјави дека украинската противвоздушна одбрана соборила 47 од 55 руски проектили, а портпаролот на службата за вонредни ситуации Олександр Хорунџи на јавната телевизија ги кажа бројките на загинатите и повредените.

A large-scale Russian missile attack on Ukraine.#Russia #Ukraine #USA #Germany #Britain #France pic.twitter.com/MEQYgUJ55M

— محمد الهلالي (@mohamebalhilali) January 26, 2023

Според него, во Киев е убиен 55-годишен маж, а властите во Запорожје соопштија дека во руските напади загинале три лица. Жалузни, пак, рече дека само над Киев биле соборени 20 руски проектили

Шефот на кабинетот на украинскиот претседател Андриј Јермак соопшти дека Системите за воздушна одбрана на Украина собориле руски ракети.

Низ цела Украина утринава беше прогласена воздушна тревога, а во некои региони беше исклучена и струјата поради страв од напади.

Киев запнал за „леопарди“, но нема да одбие ни „абрамс“