ВИДЕО: Валверде и Хоселу за „кралски“ пресврт против Сосиедад
Фудбалерите на Реал Мадрид од стартот на сезоната во „Ла Лига“ редат само победи, ја запишаа и петтата откако на домашен терен со 2:1 го совладаа Реал Сосиедад.
Гостите водеа уште од петтата минута со голот на Андер Баренечеа и ваквата минимална позитива ја задржаа до крајот на првото полувреме.
Само што почна вториот дел играчите на Карло Анчелоти израмнија преку Федерико Валверде (46`), а во 60 минута пресвртот го комплетираше Хоселу. Асистент на двата домашни погодоци беше Фран Гарсија.
На првото место во најсилното шпанско првенство водат „кралевите“ со 15 бодови, единствени со максимален учинок, два повеќе од второпласираната Барселона.
За Реал Сосиедад ова беше прв пораз во шампионатот и моментно е на 11 позиција со шест бодови.