Пред стартот на групата „3“ од најсилниот А сегмент во Лигата на нации никој не веруваше дека Унгарија може да направи било какво изненадување, скоро многумина ја „отпишаа“ во конкуренција на Германија, Италија и Англија.

Унгарците ја запишаа и третата победа остварена на гостувањето кај Германија во Лајпциг со резултат 0:1. Стрелец на единствениот гол беше Салаи во 17 минута, погодок во стилот на големите мајсторији кој вреди да се погледне.

Во вториот меч од истата група репрезентацијата на Италија на стадионот „Сан Сиро“ во Милано со 1:0 славеше над Англија. Радост за актуелните европски шампиони донесе Распадори во 68 минута.

На табелата Унгарија е првопласирана со 10 бодови, пред Италија која има осум, Германија е третопласирана со шест, а Англија која се сели во понизок ранг (Лига „Б“) има два бодови.

Во последното шесто коло на 26 септември Англија на „Вембли“ ќе ја пречека Германија, а Унгарија во Будимпешта на „Пушкаш“ Арената за првото место во групата и учество на Фајнал-фор турнирот ќе игра против Италијанците.